Pandataria, e njohur tani si Ventotene, është një nga Ishujt Pontine që ndodhen në Gjirin e Gaetës, në Detin Tirren. Për shkak të vendndodhjes së tij midis Romës dhe Napolit, ishulli shërbeu si strehë gjatë motit të keq, por u përdor edhe për mërgimin e fisnikëve romakë.
Dhe është pikërisht në këto ujëra që një ekip arkeologësh, falë teknologjisë së sonarit, ka skanuar shtratin e detit dhe ka bërë një zbulim të mahnitshëm: Një varrezë me 5 anije të mbytura romake që datojnë nga shekulli i 1-rë deri në të 5-tin.
Ishin anije tregtare që dukeshin gati për t’u nisur, por nuk u nisën kurrë. Ato ndodhen në ujëra shumë të thella, prandaj kanë mbetur të paprekura për qindra vjet. Fotografitë e bëra zbulojnë përmbajtjen e anijeve: verë italiane, një salcë peshku spanjolle dhe afrikane të çmuar dhe shufra metalike italiane.
Duke qenë se ishulli është shumë i kërkuar nga zhytësit, mendohet se në një të ardhme jo shumë të largët shumë gjuetarë thesaresh do të shkojnë në varrezat e anijeve, edhe pse ndodhet në thellësi.